Blog of Roy Chan

看一場戲

Mar 19
2000

昨天很任性地跑去看了一場戲 - American Beauty (美麗有罪) 。知唔知? 我唔開心個陣，其中一個很有效的解愁方法就一個人去看一場戲。細個個陣除非一d 真係引以我好大興趣既戲如 Tron 及一些日本動畫，我好少會主動走去睇。真至幾年前 (都六年了) 一生第一次大down ，我經常走堂，在街遊蕩，見到有戲上就睇。那段時間幾乎每一套在香港上的戲都看過。

點解鍾意睇戲? 唔 ….. 鍾意個種投入另一個世界，投入另一個人既故事的感覺。唔開心或鑽牛角尖個陣，用一兩個鐘既時間去睇睇另一個或一班人既生活，對比下自己個個。頓時人生好似多了點生氣，有時多了點啟示，感覺真好。轉一轉個 focus ，個人 relax d (even 看很 tense 的戲) ，也易走出死胡頭。VCD? 電視? 帶? 咪啦，太自由，太易俾人 disturb ，好難有 feel 。

同其他人睇戲我又鍾意時不時望下人地既反應，Yeah… 前面都講過睇戲可以令人 relax ，投入另一個世界。呢個時候一個人既反應會比平時真好多。有 d 人會咬唇，咬手指，流淚，驚，笑。總之你會見到一個人既另一面。好有趣。