Subscribe to RSS Subscribe to Comments Blog of Roy Chan

Blog of Roy Chan

亞太IT大災難

慘過世界末日!!


Share It: [del.icio.us] [Technorati] [Google Bookmark] [Yahoo MyWeb] [Furl]


譚劍 及斷章

早排提過譚劍…去過佢網站,係佢個留言冊寫左幾句野… 竟然收到回覆,不過令我覺得最得意既係.. 佢又係開始玩緊 Linux 。

譚劍呢個名最早應該係係新雅兒童故事創作比賽 - 科幻組中知道。我有段時間每年都有買個比賽既得獎作品集,譚劍係呢個比賽既常客,仲係最後一屆以『黃昏的人』囉左冠軍。個比賽停左之後,比較少機會見到佢既作品。不過上年回歸之後幾日,突然係書報攤見到叫『虛擬未來』既書,作者寫住係『譚劍』。當時都唔係太記得邊個打邊個,只係記得譚劍應該係最後一屆新雅比賽既冠軍定亞軍。Anyway.. 點都好.. 都係香港少有既科幻小說作家,咁就買左返屋企。一開始就因為 張系國既序而先煲完『斷章』,其他搞到最近先得閒睇番晒。

『斷章』可謂我讀過譚劍所有作品中最喜歡既一個。故事係過主角同佢班師兄弟由細到大一路都被佢地師父迫去練劍,但只有主角最用心,因而招其師兄弟妒忌,最終引致大家為爭奪劍譜自相殘殺而死剩佢一個。但係主角發覺一切切都只係佢地師父一手安排既測試。當時地球因為核戰而變得唔可以住人,佢地師父想籍劍去選出一個人同一位一早安排好既夏娃一齊返去地球,喚醒係地底冬眠既人類,共同重建地球,成為眾人的救世者。不過主角痛恨其師父既擺佈,今佢同一齊長大既師兄弟自相殘殺,對所謂故鄉既地球亦無感情。結果佢將太空船同夏娃毀滅,選擇孤獨地留在他出生的星球,『創造』真正自己的命運。

個結局真係好震撼,主角既選擇無疑係一個死路。無論佢點『創造』命運最終都逃不過孤獨終老人類滅絕既結果,反而乖乖咁接受安排同夏娃返回地球做救世者先係唯一生路,但主角仍然作出呢個咁『愚蠢』既決擇。究竟人生存係世上係為別人定係為自己而生?


Share It: [del.icio.us] [Technorati] [Google Bookmark] [Yahoo MyWeb] [Furl]


小說世紀

最近出左本 以小說為主題既月刊 …. 係香港呢個文化沙漠敢出本咁既野都算佢 ……. 不過有張小嫻壓陣… $15 .. 都或者做得住。當然我買既原因唔係因為 張… just for 譚劍 …本野有兩篇科幻小說都係一集完 .. 一篇 譚劍 .. 一篇 宇無名 …或者有先入為主.. 會覺得 譚劍 那篇好一點 ….

譚既”魔神傳說” 係講述 下世紀初有個新慶宗教- 魔神教 (Moses, 犘西.. 玩變音..不過個中文名都幾精景) .. 其教旨只有一個 … 相信當電腦網絡發展到一個程度.. 電腦會變成一個有強大自我意識既個體… 醒覺變成一個神…擁有全宇宙最高智慧 …帶人類進入一個新紀元 .. 講真.. 呢種宗教係將來真係出現都唔算係一件怪事 … ( 以人類既宗教歷史睇唻) 故事結局既電腦癱瘓更加係耐人尋味得唻.. 亦都幽人類一默 … 究竟係根本個病毒只係 destory 所有電腦系統.. 定係當時電腦真係成為左神.. 但以睇見人類既愚昧都不屑做人類既主宰而頓身而去呢?…. 當人人都為將被電腦統治而擔憂.. 而電腦反而覺得人類連做佢既傀儡都不配.. 好大既諷刺。文筆上.. 雖然宇無名既 “幸福由這裡開始” 比較好… 佈局技巧都唔錯.. 但到底都係 Total Recall 既變體.. 玩唔出乜新意….


Share It: [del.icio.us] [Technorati] [Google Bookmark] [Yahoo MyWeb] [Furl]


Based on Fluidity© 1998-2007 Roy Hiu-yeung Chan